– Каб на ўзроўні вобласці граматай адзначаўся адразу ўвесь калектыў, а не асобны спецыяліст, падобнага і не прыпомніць у нашым творчым жыцці, – пракаментавала Марыя Анатольеўна. – 

– Прадукцыйна папрацавалі, выканалі ўсе паказчыкі за 2021 год, – тлумачыць начальнік аддзела ідэалагічнай работы, культуры і па справах моладзі райвыканкама Галіна Сакалоўская. – Маецца рэспубліканская праграма “Культура Беларусі”, якая прадугледжвае і колькасць мерапрыемстваў, і працэнт занятасці людзей у клубных фарміраваннях, і наведвальнасць платных мерапрыемстваў, і прыцягненне пазабюджэтных сродкаў, і шмат іншага. У рамках выканання дадзенай праграмы мы выканалі ўсё запланаванае, а асобныя пункты нават перавыканалі. У культурнай сферы мы лідзіруем па ўсім, а Бярэзінскі РЦК папрацаваў з асаблівым імпэтам.

- Калектыў у нас цудоўны, поўніцца творчымі планамі, усе крэатывяць, ставяцца да задач з творчым натхненнем, - дадае Марыя Бурымская. – Веру, што на рахунку нашых дасягненняў гэта далёка не апошняя ўзнагарода, бо ў нашай дзейнасці мы ўсе нацэлены на вынік. Дарэчы, у калектыве РЦК працуе 20 спецыялістаў, ніхто не сядзіць без справы, уносіць нешта сваё. Таму вельмі радуе, што сумесная зладжаная работа не засталася незаўважанай, і гэта натхняе!

Аляксандр БЫЧКОЎСКІ.

Фота Алены ГРОМАВАЙ.