камітэты, кіраўнікі і галоўныя спецыялісты сельгасарганізацый ужо пачынаюць паступова вырашаць шматлікія арганізацыйныя пытанні будучай пасяўной кампаніі. Праўда, настрой усім ім псуе ўсё тое ж
марознае сакавіцкае надвор’е.

Мароз без снегу – палеткам бяда!

– Замаразкі, якія стаяць ў гэты час ноччу і раніцай, пры адсутнасці снегу могуць сур’ёзна пашкодзіць палеткам, – заўважае галоўны аграном сельгасфіліяла “Здравушка-агра” Аляксандр Шыбалка. – А вось цёплае надвор’е спрыяе вегетацыі, што рана «разбудзіць» расліны, і першы мароз тут жа можа загубіць іх. У нашай гаспадарцы робіцца стаўка менавіта на азімыя культуры, таму турбавацца ёсць пра што. Душа баліць за палеткі з элітным ячменем і рапсам.

Зразумець трывогу спецыяліста можна, бо ў восеньскую сяўбу было ўкладзена шмат грашовых сродкаў і сіл, ды і вельмі хочацца павялічыць рэнтабельнасць прадукцыі раслінаводства. Летась яна ў сярэднім была 46 працэнтаў, а рапсу і ўсе 87,7 працэнта. Настрой паплаўчан на паляпшэнне вытворчых спраў тлумачыцца невялікімі надоямі мясцовых малочнатаварных фермаў, якія ніяк не дазваляюць сельгаспрадпрыемству выбрацца з нястач і выплачваць заробак уласнымі сродкамі.

Укладзеш на рубель – атрымаеш на дзесяць

– Аднак на будучай вясенняй палявой кампаніі мы не маем намеру сэканоміць ні рубля, – цвёрда заяўляе Аляксандр Уладзіміравіч. – Яравы клін у нас складае ўсяго 340 гектараў збожжавых культур, з якім мы мяркуем управіцца пры выпрацоўцы за змену 60 гектараў за 6 дзён. Галоўнае, каб тэхніка не падвяла. Яна ў нас моцна зношаная. Аднак ужо ўся практычна адрамантавана, засталося толькі замяніць рухавік. Землі ў нас капрызныя, бо вясной заўсёды на палетках шмат камення і “талерачак”, дык мы ўжо набылі ў лізінг спецыяльны глебаапрацоўчы агрэгат. Ён абавязкова дапаможа нам управіцца з даведзенымі тэмпамі яравой сяўбы.

Вырашана пытанне і з мінеральнымі тукамі. Азоту і калію хопіць не толькі для палеткаў, але і на перазалужэнне паш, а вось з фосфарам вырашылі абыходзіцца вельмі ашчадна. Ён будзе выкарыстаны для ўнясення пад кукурузу на зерне.

– Сёлета запланавана пасеяць 1200 гектараў царыцы палёў, у тым ліку 300 гектараў на зерне, – дадае аграрнік. – Плошча значная. Ды патрабуе выканання ўсіх тэхналагічных патрабаванняў – ад апрацоўкі глебы да элітнага насення. Для гэтага мы збіраемся выкарыстоўваць арганіку і закупіць элітнае насенне малдаўскага гатунку.

Ды і царыца палёў зойме сёлета звыш 10 тысяч гектараў, з якіх частка пойдзе на зерне. Вызначаны фронт работ даволі значны і напружаны. Таму аграрнікі з нецярпеннем чакаюць часу, калі маразы ў рэшце рэшт адступяць, сонейка стане для іх, сапраўды, лагодным і яны змогуць у поўнай меры развярнуцца на сваіх трактарах у полі. Ды і царыца палёў зойме сёлета звыш 10 тысяч гектараў, з якіх частка пойдзе на зерне. Вызначаны фронт работ даволі значны і напружаны. Таму аграрнікі з нецярпеннем чакаюць часу, калі маразы ў рэшце рэшт адступяць, сонейка стане для іх, сапраўды, лагодным і яны змогуць у поўнай меры развярнуцца на сваіх трактарах у полі.

Вясновы дзень карміць будзе год

Не менш важная справа і сяўба траў. Сёлета паплаўчане мяркуюць пашырыць участкі пад канюшыну, люцэрну і шэраг іншых бабовых культур, закласці насеннікі шматгадовых траў і перазалужыць 160 гектараў паш.

– Як толькі палеткі цалкам вызваляцца ад снегу і адступяць марозы, – тлумачыць Аляксандр Уладзіміравіч, – пачнём сілкаванне траў і азімых культур мінеральнымі ўгнаеннямі, ушчыльную зоймемся раскідваннем арганічных угнаенняў, якіх ужо назапашана звыш 35 тысяч тон. Гэта таксама для нас важная справа.

Як бачым, пытанні падрыхтоўкі да будучай пасяўной кампаніі ў гаспадарцы паспяхова вырашаюцца, бо ёсць намер у будучым пры якаснай і багатай кармавой базе цалкам перавесці жывёлу на ўтрыманне ў кароўніках.

– Так мы не толькі канчаткова развітаемся з нядобра-сумленнымі пастухамі, але і рэальна павялічым прадуктыўнасць статка, – падкрэсліў Аляксандр Уладзіміравіч. – Падтрымлівае нас у гэтым наш верны і працавіты атрад механізатараў. Ён невялікі і налічвае ўсяго 23 чалавекі, але надзейна правераны сялянскай працай. З ім нам любая задача па сілах!

Планы бярэзінскіх аграрыяў значныя. Трэба пасеяць 3811 гектараў яравых культур без уліку кукурузы, проса і грэчкі. Самы вялікі клін традыцыйна ў сейбітаў ААТ “Пагосцкі” і “Бярэзінскі” – 1203 гектары. Не менш вялікі аб’ём работ мяркуецца выканаць і работнікам ААТ “Брадзец” і “Бярэзінскі райаграсэрвіс”. Уражваюць не толькі аб’ёмы запланаваных пасяўных плошчаў, але і тэрміны выканання палявых работ -  ад 5 да 9 дзён. Садзейнічае такому рашучаму настрою належная падрыхтоўка, бо давядзецца падрыхтаваць глебу і закрыць вільгаць на плошчы ў 13 988 гектараў, узараць 1801 гектар палеткаў, унесці мінеральных тукаў на плошчу ў 250 753 гектары.

Мілана ТРАПЯНОК.
Фота Алены ГРОМАВАЙ.