– З пачаткам летніх канікул тэрыторыі школьных двароў сталі недаступнымі. На агароджах з’явіліся замкі, а з імі знікла і магчымасць займацца на школных стадыёнах спортам для ўсіх жадаючых. Ці ж гэта правільна? І яшчэ пра спорт. А ці плануецца заняцца рамонтам гарадскога стадыёна?

Аляксандр, г. Беразіно.

На пастаўленыя пытанні адказвае начальнік упраўлення па адукацыі, спорце і турызме райвыканкама Алеся Цітова.

– Мы не абмяжоўваем жаданні аматараў здаровага ладу жыцця займацца фізічнай культурай і спортам. Прышкольныя стадыёны, як гарадскія, так і сельскія, адкрыты для наведвальнікаў штодзённа з 8 да 21 гадзіны. Для інфармавання насельніцтва аб гэтым мы спецыяльна размясцілі адпаведныя аб’явы на школьнай агароджы.

Што датычыцца гарадскога стадыёна, то патрэбы ў яго рамонце пакуль што няма. Поле адпавядае патрабаванням для правядзення на ім спартыўных гульняў, газоннае пакрыццё знаходзіцца ў здавальняючым стане, пастаянна падкошваецца і даглядаецца.

А замена трыбун патрабуе значных затрат, таму ў бягучым годзе рамонт не плануецца.