Яна не толькі па праву лічыцца ўніверсальным байцом аддзела і ў дасканаленні авалодала ўсімі тонкасцямі няпростай ваенізаванай службы, а і годна прадстаўляе Бярэзінскі раён на абласных конкурсах прафесійнага майстэрства на званне лепшага дыспетчара РАНС вобласці.

Вось і не так даўно наша зямлячка ў чарговы раз вярнулася з адказных іспытаў з перамогай. Наколькі няпроста было ёй заваяваць званне пераможцы сведчыць хаця б такі факт: сярод удзельнікаў конкурсу было толькі тры прадстаўніцы слабага полу. Аднак Наталлю гэта ніколькі не напалохала. Яе цвёрдае імкненне да перамогі, трывалыя веды справы, багаты вопыт удзелу ў падобных мерапрыемствах далі свой чакаемы і прагназуемы вынік.

Нялішнім будзе дадаць, што ўладальнікам звання лепшага дыспетчара сістэмы МНС вобласці Наталля Кісялёва прызнаецца ўжо трэці год запар. Вось што значыць аптымізм і мэтанакіраванасць!

Анатоль ПАЛЫНСКІ.
Фота Алены ГРОМАВАЙ.