Між тым, жніво не стаіць на месцы, набірае свае тэмпы і называе ўсё новых лідараў. Неўзабаве да ліку тысячнікаў далучыцца і вадзіцель СУП “АграМАЗ” Аляксандр Баранаў. Вось ужо восьмы сезон шчыруе ён на палетках, дастаўляе ад камбайнаў бясцэнны груз. Даводзілася і ў мінулыя гады дасягаць запаветнай лічбы, за што атрымліваў граматы і каштоўныя падарункі.

Усяго невялічкі час аддзяляе яго ад пераадолення тысячнага рубяжа, і ўжо заўтра (калі не падвядзе надвор’е і яго магутны сталёвы “МАЗ”) Аляксандр Баранаў годна будзе прадстаўляць свой працоўны калектыў на лінейцы лепшых вадзіцеляў раёна.

Анатоль ПАЛЫНСКІ.

Фота аўтара