Мікалай Казачонак і Алег Шагойка з ААТ “Багушэвічы”, добра адпрацаваўшы сезон на жніве і стаўшы на ім тысячнікамі, не спяшаліся развітвацца са сваім камбайнам “Палессе”. Пасля збожавых культур іх чакала ўборка грачыхі, а таксама пайзы і клевера на насенне. У рабоце камбайн і сёння: механізатары абмалочваюць кукурузныя пачаткі на зерне. Наперадзе яшчэ шмат няўбраных палеткаў, таму без справы бліжэйшыя дні мужчынам сядзець не давядзецца.