Але гэта быў не адзіны падарунак мясцовым аматарам Мельпамены. У нядзелю мелі магчымасць сустрэцца з артыстамі Мінскага абласнога драматычнага тэатра, якія прадставілі на суд гледача драматычны спекталь “Не пакідай мяне” па п’есе нашага славутага беларускага драатурга Алеся Дударава.

Гэты твор, як і іншыя творы Алеся Дударава, не пакінуў нікога раўнадушным, бо быў прысвечаны балючай тэме Вялікай Айчыннай вайны, гераізму і мужнасці нашых салдат – у даным выпадку членаў разветгрупы, што складалася з маладых дзяўчат, іх подзвігу ў імя Радзімы і яе вызвалення.

Прыемна было бачыць у зале шмат гледачоў, асабліва радавала, што пераважная большасць – прадстаўнікі маладога пакалення. Ніхто з прысутных не застаўся ні расчараваным, ні абякавым да дзеі спектакля. Садзейнічалі таму і аўтарская ідэя драматурга, і высокае майстэрства артыстаў.