Сёння ў першай палове дня да гэтай работы прыступіла група рабочых мехмайстэрняў разам з дыспетчарам ПМС, а пасля абедзеннага перапынку да іх далучыліся і іншыя працаўнікі прадпрыемства. Работы хапіла ўсім, бо на даволі вялікай плошчы вытворчай базы за час зімовага сезону сапраўды патрабавалася генеральная ўборка, як, бадай і на кожным іншым вытворчым аб’екце. Прыбіраліся таксама вуліцы імя Марыі Рамановіч і Сакалоўскага, якія пралягаюць побач. Не адзін прычэп смецця, апалай лістоты і абрэзанага сучча было дастаўлена ў гэты дзень на гарадскі палігон цвёрдых бытавых адходаў. Істотна папрыгажэла ўбраная тэрыторыя, не сорамна за вынікі сваёй работы меліяратарам.

Анатоль ПАЛЫНСКІ.

Фота аўтара.