Далікатная, смачная дэсертная страва да святочнага стала на Вялікадзень  сімвалізуе гару Галгофу, на якой быў укрыжаваны Ісус, таму гэта праваслаўная ўрачыстасць рэдка без яе абыходзіцца.

Нам спатрэбіцца:

• Тварог 1 кг
• Масла сметанковае 200 гр.
• Яйка курынае 5 шт.
• Цукар-пясок 200 гр.
• Ванільны цукар 1 ч. л.
• Сліўкі 33% 400 мл.
• Арэхі 100 гр.
• Разынкі 100 гр.
• Цукаты 100 гр.

Прыгатаванне:

Тварог працярыце праз сіта або здрабніце блэндэрам. Дадайце размякчанае сметанковае масла і змяшайце. Палачку ванілі разрэжце, прыбярыце з яе насенне (можна выкарыстоўваць ванілін).

Яйкі ўзбіце разам з цукрам, дадайце сліўкі і здробненую палачку ванілі (ці ванілін) і змяшайце.

Атрыманую масу пастаўце на ўмераны агонь, пастаянна памешваючы, давядзіце да кіпення і варыце да загусцення. Пасля гэтага сумесь трохі астудзіце.

Арэхі здрабніце ў блэндары або дробна пасячыце нажом. Цукаты неабходна нарэзаць. Разынкі прамыйце гарачай вадой і прасушыце.

Змяшайце тварог, цукаты, арэхі, разынкі і астылую яечную масу.

Форму для Вялікадня засцяліце марляй, складзенай у 2-3 пласты, краі марлі павінны звісаць. Выкладзіце тварожную масу ў форму і ўтрамбуйце яе.

Краі марлі загарніце наверх і ўсталюйце зверху груз. Змясціце тварожную “пасху” ў халадзільнік для застывання на 12 гадзін.

Потым прыбярыце груз, разгарніце марлю, выкладзіце  на святочную талерку і ўпрыгожце на свой густ.

Смачна есці! Са святам!

Падрыхтавала Алена ГРОМАВА