Умовы ж надвор’я не дазваляюць аграрыям разгарнуцца на поўную сілу: на палетках яшчэ шмат вільгаці, таму работы даводзіцца выконваць толькі там, дзе пожа прайсці тэхніка. Тым не менш, частка ўчасткаў пад авёс ужо пасеяна. Вядуцца ў “Брадцы” і іншыя работы: уносяцца вадкія і цвёрдыя мінеральныя ўгнаенні, вядзецца падрыхтоўка глебы і ворыва.

Акрамя таго не забываюць тут і пра раскідванне арганікі. Гэтымі днямі на гэтай аперацыі заняты малады механізатар Уладзіслаў Корык. На сваім магутным энерганасычаным трактары ён уносіў угнаенні на палетку побач з Сялібай. На пагрузцы арганікі заняты Міхаіл Лапіцкі з вялікім “Амкадорам”.

Пра тое, наколькі эфектына працуе гэты тандэм, сведчыць такі факт: Уладзіслаў за працоўны дзень загружаецца больш як 40 разоў. А калі ўлічыць, што яго раскідвальнік умяшчае ў  сабе 20 тон, можна падлічыць выконваемы аб’ём работы.

Фото Елены ГРоМОВОЙ