- Сёння тут працуюць прадстаўнікі многіх калектываў, - падзялілася началлнік аддела арганізацыйна-кадравай работы райвыканкама Вольга Мельнічонак. – Акрамя нас прадстаўлены многія аддзелы райвыканкама, ёсць таксама прадстаўнікі ўпраўлення па працы, занятасці і сацыяльнай абароне, тэрытарыяльнага цэнтра сацыяльнага абслугоўвання насельніцтва, спартыўнай школы і ФАЦ “Лазурный”. Неўзабаве павінны падцягнуцца і работнікі лясгаса.

Работы  гэты дзень хапіла ўсім. І патрэбна было прыбраць не толькі апалае лісце і сухія веткі. На жаль, традыцыйна (зноў жа!) тут выявілася і шмат слядоў знаходжання чалавека і яго не зусім культурнага адпачынку. А гэта не толькі пустыя бутэлькі і паперы, а і нават пакінутыя на сценах сядзібы надпісы, якія таксама давялося ліквідоўваць.

Тым не менш, настрой у працуючых быў станоўча-аптымістычным, а надавала яму такі тон тая прыгажосць, якая ўтваралася ў выніку іх сумесных намаганняў.