З гэтай нагоды яго сардэчна віншавалі ў калектыве арганізацыі. Тут ён 16 гадоў адпрацаваў на вывазцы лесу на машыне “Урал”.

– Цяпер такіх машын ў нас няма, – гаворыць Віктар Фёдаравіч. – На змену “Уралам” прыйшлі “МАЗы”. Адзін год яшчэ папрацаваў на “МАЗе”, потым па стане здароўя давялося перакваліфікавацца ў слесары.

Віктар Фёдаравіч ведае пра тэхніку ўсё, да апошняй гайкі. Яго ўмелыя рукі могуць ухіліць любую непаладку. За сваю шматгадовую добрасумленную працу ў лясной гаспадарцы, прафесіяналізм, значны ўклад у выкананне паказчыкаў прагнозу сацыяльна-эканамічнага развіцця ўстановы, узорнае выкананне працоўных абавязкаў Віктар Дзюк адзначаны граматай Мінскага дзяржаўнага вытворчага лесагаспадарчага аб’яднання.

Алена ГРОМАВА.

Фота аўтара.