– У мяне дыплом Мінскага гандлёвага тэхнікума, але справай па душы аказалася не гандляваць, а шчыраваць на вытворчасці, – гаворыць Таццяна Васільеўна. – Спачатку  я трапіла ў сырцэх,  потым некаторы час працавала масларобам, і вось ужо шмат гадоў працую прыёмшчыкам малака і малочнай прадукцыі.

– Профмайстэрствам валодаюць многія нашы работнікі, – гаворыць майстар прыёмна-апаратнага масларобнага аддзялення  Вера Паланевіч, – гэта значыць, валодаюць сумежнымі прафесіямі і могуць пры неабходнасці падмяніць адзін аднаго. З іх ліку і Таццяна Сакалоўская. Яна адказная, ініцыятыўная, уважлівая, сумленная, дакладная. Валодае ўсімі якасцямі, якія неабходны ў рабоце з людзьмі і дакументацыяй.

Неаднойчы Таццяна Сакалоўская была адзначана граматамі адміністрацыі прадпрыемства, а яе фотаздымак упрыгожвае Дошку Гонару Бярэзінскага вытворчага ўчастка філіяла “Здравушка-мілк” ААТ “Слуцкі сыраробны камбінат”.

Алена ГРОМАВА.

Фота аўтара.