Прыйшла сюды Людміла Віктараўна маладым спецыялістам у 1990 годзе. Пачынала фаршаскладальнікам.  А майстрам цэху стала гады чатыры таму назад, ужо маючы за плячыма багаты вопыт працы на вытворчасці.

- Наш калектыў невялікі, але згуртаваны, дружны, паспяхова спраўляецца з пастаўленымі задачамі, - распавядвае Людміла Віктараўна. - Каўбасны цэх працуе на 100% мясе (свініна, шпік, ялавічына), соевыя дабаўкі не выкарыстоўваюцца, толькі натуральныя спецыі і соль. Асартымент прапануемых каўбасных вырабаў і мясных паўфабрыкатаў даволі шырокі. Асаблівым попытам карыстаюцца сыравяленыя каўбасы, такія як “Ад бабулі”, “Бурштынавая”, “Бярэзінскі ласунак” і інш.

За сваю шматгадовую працу Людміла Цішкевіч неаднойчы адзначалася граматамі і падзякамі аддзела прамысловасці Бярэзінскага філіяла.

А свой вольны час яна прысвячае сваім унукам -  5-гадоваму Кірылу і 9-гадовай Ганначцы. Для іх яна – самая лепшая, супербабуля.

Алена ГРОМАВА.

Фота аўтара.