У каўбасным цэху яна шчыруе восем гадоў, аднак агульны яе працоўны стаж у аддзеле прамысловасці складае тры дзесяцігоддзі.

– Дагэтуль доўгі час шчыравала пекарам на хлебазаводзе, – гаворыць Святлана Уладзіміраўна. – А потым па сямейных абставінах (калі муж атрымаў групу інваліднасці) уладкавалася бліжэй да дому, каб не страчваць час на дарогу. Разам з мужам выгадавалі двух сыноў, маем унучку.

А яшчэ Святлана Уладзіміраўна любіць пакорпацца ў сезон на сваім агародзе, навесці належны парадак у кветніку. На ўсё гаспадыня стараецца знаходзіць час, праявіць увагу і клопат.

За сваю шматгадовую добрасумленную працу Святлана Гусакова неаднойчы была адзначана граматамі і падзякамі аддзела прамысловасці Бярэзінскага філіяла Мінскага аблспажыўтаварыства.

Алена ГРОМАВА.

Фота аўтара.