Інспектар прапаганды райаддзела па надзвычайных сітуацыях Вольга Ермакова наведала сем’і Куксік і Сакавых. З дзецьмі інспектар правяла прафілактычную гутарку, нагадала пра бяспеку падчас вясенніх канікалаў. Разам мы «тэлефанавалі» ў службу ратавання, адказвалі на пытанні з картак, адшуквалі парвільныя адказы падчас віктарыны. Дарослым інспектар расказала пра неабходнасць пільна сачыць за заняткамі дзяцей, таму што ўсплеск выпадкаў траўміравання дзяцей прыходзіцца менавіта на канікулярны час, калі малыя выпадаюць з поля зроку дарослых. 

«Не пакідайце дзяцей адных!» – што, здаецца, можа быць незразумелым у гэтай простай фразе? Тым не менш, неабачлівасць дарослых штогод прыводзіць да таго, што дзеці гінуць на пажарах і пры дарожна-транспартных здарэннях, выпадаюць з вакон і тонуць у вадаёмах, атрымліваюць апёкі і электратраўмы… Беражыце дзяцей, паважаныя бацькі, нават пяці хвілін можа быць дастаткова для таго, каб здарылася непаправімае.