І калі камусьці на фоне поспехаў сваіх калег на іншых фермах гаспадаркі можна дзесьці і прыхаваць свае недапрацоўкі, то ў сельскагаспадарчай вытворчасці “Арэшкавічы” ААТ “Мінскі завод колавых цягачоў” такі варыянт не пройдзе, бо тут усяго адна ферма. “Марку трымаць” даводзіцца кожны дзень.

А гэта зусім няпроста. Тым не менш, кіраўнік фермы Наталля Андрыевіч са сваёй няпростай задачай спраўляецца паспяхова.

Справы тут ладзяцца з месяца ў месяц ужо не адзін год, што дазваляе сельгаспрадпрыемству пастаянна дасягаць высокіх паказчыкаў і быць у лідарах спаборніцтва сярод гаспадарак раёна, як па вытворчасці малака, так і мяса.

Дададзім, што ў “Арэшкавічах” да таго ж, адна з найбольш высокіх шчыльнасць буйной рагатай жывёлы на сто гектараў сельгасугоддзяў.