– Пачынаў свой шлях у арганізацыі лесарубам, – гаворыць Андрэй Мікалаевіч, – потым гады два паспрабаваў сябе ў якасці лесніка і ізноў вярнуўся ў кагорту вальшчыкаў. Займаюся тым, што больш даспадобы.

Андрэй Леута – сапраўдны майстар сваёй справы і з кожным годам яшчэ больш адшліфоўвае майстэрства, дэманструючы яго не толькі ў штодзённых буднях, а і ў раённых, і ў абласных спаборніцтвах вальшчыкаў лесу.

Неаднойчы ён станавіўся іх пераможцам і прызёрам, яго майстэрства высока ацэньвалася і адзначалася граматамі і дыпломамі.

Акрамя таго, Андрэй Мікалаевіч зна-ходзіць час і на свае захапленні – ён заўзяты аматар спорту і прыхільнік рыбнай лоўлі.

Алена ГРОМАВА.
Фота аўтара.