У аддзеле з дзіцячымі таварамі з пакупнікамі пагутарыла інспектар райаддзела па надзвычайных сітуацыях Маргарыта Закрэўская. Яна арганізавала гульневую пляцоўку, дзе можна было навучыцца карыстацца вогнетушыцелем, патэлефанаваць у службу ратавання, пагуляць у крыжыкі-нолікі, даведацца пра знакі пажарнай эвакуацыі.

Кожны ўдзельнік акцыі атрымаў карысную наглядную прадукцыю. Самы галоўны пасыл, які даносяць да дарослых у гэтыя дні ратавальнікі ўсей краіны, гучыць так: сачыце за заняткамі дзяцей, паважаныя дарослыя! Штодня напамінайце дзецям правілы пажарнай бяспекі, правілы бяспечных паводзінаў на дарозе і пры знаходжанні ля вадаема.

Толькі наша асабістая адказнасць і ўважлівыя адносіны да заняткаў дзяцей здольныя звесці амаль да нуля рызыку атрымання дзецьмі траўмы ці яго гібелі. Акцыя не заканчваецца: наперадзе – вяселыя і карысныя ўрокі бяспекі ў школах, вучэбныя эвакуацыі, гутаркі з бацькамі.