Адна з форм работы – правядзенне ўрокаў бяспекі са школьнікамі. Ратавальнікі Бярэзіншчыны наведалі ўсе школы раёна, а на базе ДУА «Сярэдняя школа №3 г.Беразіно» перад старшакласнікамі выступіў работнік Мінскага абласнога ўпраўлення Міністэрства па надзвычайных сітуацыях Раман Крукаў.

Надзвычай важна весці работу менавіта з дзецьмі, бо заўтра яны – дарослыя, якім абавязкова давядзецца выкарыстоўваць веды ў жыцці. Школьнікі ўважліва слухалі інфармацыю пра сродкі індывідуальнай аховы, парадак дзеянняў пры сігнале «Увага ўсім!», глядзелі відэафільм. Усе дзеці атрымалі інфармацыйныя буклеты.

Нагадваем: пры сігнале грамадзянскай абароны, які ўяўляе з сябе гук сірэны, неабходна тэрмінова ўключыць сродак масавай інфармацыі – радыепрыемнік, тэлевізар. Вам раскажуць, што адбылося і як трэба дзейнічаць. Таксама магчыма апавяшчэнне насельніцтва пры дапамозе рассылкі паведамленняў на мабільныя тэлефоны.