Пасля праведзенага інструктажу аб правілах працы з інструментам і саджанцамі дружны «дэсант» узяўся за работу. Разумеючы важнасць справы, працавалі з азартам і добрым настроем. Радавала і надвор'е: у лесе было спакойна і камфортна.

Прыняў асабісты ўдзел у аднаўленні ляснога багацця і першы намеснік начальніка Бярэзінскага райаддзела па надзвычайных сітуацыях Дзмітрый Анцыпаў.

 «Удзел у акцыі – гэта і наша грамадзянская пазіцыя, і ўклад у будучыню Беларусі. Лес з'яўляецца сімвалам жыцця, бо яго называюць лёгкімі планеты. Мы рады ўнесці свой уклад у яго абарону і аднаўленне, бо на гэтай зямлі жыць нашым дзецям і ўнукам. Надзвычай важна асабістымі дзеяннямі паказваць моладзі прыклад патрыятызму і клопату пра будучыню», – пракаменціраваў Дзмітрый Мікалаевіч.