Інспектар прапаганды Бярэзінскага райаддзела па надзвычайных сітуацыях Вольга Ермакова расказала пра вогненныя здарэнні ў раёне, нагадала правілы эксплуатацыі печаў і электрасетак, парэкамендавала усталёўваць пажарныя апавяшчальнікі. Не абышлі бокам і тэму небяспекі вадаёму у вясенні час. У рабоце дапамагала актывістка Беларускай маладзежнай грамадскай арганізацыі ратавальнікаў-пажарных Валерыя Шмарлоўская.  

Варта ведаць, што большасць пажараў адбываецца ў сельскай мясцовасці і часцей за ўсё віноўнікам і ахвярай пажару становяцца тыя гаспадары, што не ведаюць меры ва ўжыванні спіртнога, а таксама пажылыя людзі. І калі ўплываць на свядомасць і лад жыцця першай названай катэгорыі людзей надзвычай цяжка, то з пенсіянерамі сітуацыя іншая: звычайна яны прыслухоўваюцца да парад інспектара службы ратавання.

Начальнік бярэзінскіх ратавальнікаў Іван Мазанік каменціруе:

– Бяспека пажылых людзей, што пражываюць у сельскай мясцовасці, – важная задача, якую мы імкнёмся забяспечыць усімі магчымымі сродкамі. Прафілактыка і інфарміраванне праводзіцца з дапамогай раённай газеты і інтэрнэт-рэсурсаў, падчас адрасных праверак жыллёвага фонду, на сельскіх сходах. Інфарміраванне суб’ектаў прафілактыкі з мэтай аказання адраснай дапамогі – адна з мер. Мы ўпэўнены, што перш за ўсе неабходна размаўляць з людзьмі, тлумачыць ім простыя ісціны: нельга перанакальваць печку і пакідаць у пастаянным рабочым рэжыме электрапрыборы. Своечасова неабходна тынкаваць расколіны печкі і мяняць батарэйку ў пажарным апавяшчальніку. Не пакідаць малых дзяцей без нагляду і не дапускаць курэння ў жылых пакоях. Памятаць пра нумар службы ратавання 112. Здаецца, простыя меры, пра якія ведае кожны. Але ж не ўсе лічаць неабходным іх выконваць.

Звяртаемся да дарослых людзей. Бяспека вашых пажылых бацькоў – тое пытанне, якое нельга пакідаць па-за ўвагай. У сілу асаблівасцяў здароўя і ўважлівасці стары чалавек часто не можа самастойна не тое што адрамантаваць печку, а нават замяніць батарэйку ў пажарным апавяшчальніку. Прыкладзіце ўсе намаганні дзеля бяспечных умоў пражывання пажылых родзічаў.

Зараз праходзіць рэспубліканская міжведамасная акцыя «За бяспеку разам». Штодня ратавальнікі разам з іншымі службамі наведваюць домаўладанні пажылых людзей і інвалідаў, шматдзетных сем’яў і злоўжываючых спіртным людзей для папярэджвання пажараў, а таксама дзеля правядзення шырокамаштабнай тлумачальнай работы.