Падарунак з клопатам пра людзей уручыў сёння работнікам ААТ “Брадзец” Віктар Маліноўскі

Date 05.08.2022 Man
Comment 127
Падарунак з клопатам пра людзей уручыў сёння работнікам ААТ “Брадзец” Віктар Маліноўскі

Сённяшні візіт на Бярэзінчыну старшыні абласнога аб’яднання прафсаюзаў Віктара Маліноўскага супаў прымнай падзеяй – ушаноўваннем двух вадзіцеляў ААТ “Брадзец”, якія ў ходзе жніва дасягнулі тысячнага рубяжа на адвозцы збажыны.

Акрамя цёплых слоў віншаванняў і падарунка лідарам спаборніцтва Віктар Тадэвушавіч пакінуў і істотны падарунак самому сельгаспрадпрыемству – электрычны воданагравальнік.

– Гэты карысны ў быце агрэгат, – сказаў В. Маліноўскі, – адрасуецца не толькі сённяшнім удзельнікам жніва, бо будзе ўстаноўлены ў адным з душавых пакояў гаспадаркі, а значыць выкарыстовацца будзе і надалей для санітарна-гігіенічных мэтаў і паляпшэння бытавых умоў работнікаў сельскай гаспадркі. Разумею, што падобныя бойлеры – сёння не раскоша і імі забяспечаны се сельгаспрадпрыемствы. Але ж з часам тэхніка зношваецца, таму, спадзяюся, што падарунак прыйзецца даспадобы.

Дырэктар ААТ “Брадзец” Аляксандр Крук падзякаваў кіраўніка прафсаюзаў вобласці і адзначыў, што вельмі рады бачыць такія праяшленні клопату аб сваіх працаўніках.

Істотным дадаткам гэтай інфармацыі будзе той факт, што аналагічныя падарункі  ад прафсаюзаў адрасаваны таксама працаўнікам ААТ “Багушэвічы”, “Пагосцкі” і “Бярэзінскі райаграсэрвіс”.

Анатоль ПАЛЫНСКІ.

Фота аўтара.

Источник:
Нашли ошибку? Выделите её и нажмите CTRL + ENTER