Затым навічкоў і заўсёднікаў “ШТУРМа” з’яднала гульнёва-пазнавальная праграма: SOS-шоў “Пасланне з бутэлькі”. Каманда юнгаў імправізаванага карабля азнаёмілася з атрыманым па “воднай почце” трывожным лістом мараплаўцы Фердынанда Урангеля аб выміранні племені індзейцаў ад “гаручай вады” і пакаянным пасланнем агента па рэкламе  піваваранага завода аб спрыянні масавай алкагалізацыі насельніцтва.

Акцыя “Крыжовы паход супраць бутэлькі” прайшла з вынасам зладзейкі з наклейкай ў музейны кубрык экспанатаў ворагаў чалавецтва і сплюшчваннем піўной бляшанкі, забіваннем цвікоў у макет драўлянай цыгарэты. Чыстая кніга карабельнай каманды папоўнілася асабістымі подпісамі юных маракоў, якія далучыліся да штурмаўскага руху “Мы – чысты ўзрост без бруду шкодных звычак”. Аматары піўной моды і курэння трымалі клятву перад таварышамі па камандзе і атрымалі векселі даверу на пераадоленне шкодных звычак.

Акцыя “Напой штурмаўца: выбар маладога пакалення” парадавала падлеткаў сокам і кока-колай, вітамінам С і фруктамі. “Кніжная таможня” праверыла чытацкую актыўнасць юнгаў з уручэннем кнігалюбам персальных бонусаў чытацкай актыўнасці і “Залатых чытацкіх фармуляраў”.

У фірменных блакнотах штурмаўцаў з’явіліся новыя запісы аб памятных момантах у Школе Творчага Удасканалення Развіцця Моладзі “ШТУРМ”.