- Сёлета ў лютым у Цэнтры рамёстваў праводзіўся конкурс ручнога вязання, - тлумачыць Іна Валянцінаўна. – У ім прынялі ўдзел 26 майстроў Бярэзіншчыны, якія вязалі дзіцячыя пінеткі. Была мэта – вырабы перадаць немаўляткам у радзільнае аддзяленне. Аднак з-за чарговай хвалі каранавіруснай інфекцыі ў той час гэта зрабіць не змаглі. Таму перадаём зараз. Якраз вельмі сімвалічна – дзень амаль супаў з міжнародным Днём сям’і. Спадзяёмся, што з нашымі падарункамі будучым нованароджаным перададуцца любоў і цеплыня, з якой майстры стваралі свае вырабы.

Ад сябе дадам, што медперсанал радзільнага аддзялення сустрэў гасцей з радасцю і ўсе засталіся вельмі задаволеныя сустрэчай.

Усяго было перададзена 28 пар пінетак.

Аляксандр БЫЧКОЎСКІ.

Фота аўтара.