Дарослым і дзецям прапанавалі гульні, падчас якіх можна было і “патэлефанаваць” у службу ратавання, і бяспечна “сабрацца” ў лес, і назваць словы з пераблытанымі літарамі, і знайсці парушэнні правілаў бяспекі ў доме. Дзеці атрымлівалі ў падарунак размалеўкі і флікеры, дарослыя – буклеты “Не пакідайце дзяцей адных!” і “Бяспечная эвакуацыя”. Да таго ж, кожнае дзіця атрымала флаер, які расказвае пра конкурсы часопіса “Юны выратавальнік” і заахвачвае стаць пастаяннымі падпісчыкамі, каб штомесячна знаходзіць у сваёй паштовай скрыні яркае, цікавае і карыснае выданне.