Тут на адным з палеткаў ва ўсю ішла ўборка збожжа, а ў той жа час, у нейкіх пяці кіламетрах адтуль, ужо вялася апрацоўка засеянага ўчастка азімага рапса. Спецыялісты – дырэктар сельгаспрадпрыемтва Юрый Касцюк і галоўны аграном гаспадаркі Уладзімір Пясецкі спяшаліся выканаць гэтую работу да з‘яўлення ўсходаў культуры.

Крыху воддаль, на другім ўчастку поля, на падрыхтоўцы глебы пад пасяўную, працаваў энерганасычаны МТЗ. Неўзабаве і там у зямлю ляжа насенне азімага рапса. Паралельна з гэтым у гаспадарцы вядзецца  цюкаванне і звозка саломы.

- Марудзіць такой парой ніяк нельга, - кажа Юрый Касцюк. – Калі работы не весці комплексна (а так працуем не толькі мы, а і ўсе гаспадаркі раёна), можна штосьці незваротна ўпусціць. А ў селькай гаспадарцы гэта недапушчальна.

Анатоль ПАЛЫНСКІ.

Фота аўтара.