Як выявілася,  працаўнікі рынку не толькі ўважліва сочаць за публікуемымі на старонках нашай газеты навінамі, а і актыўна далучаюцца да праводзімых рэдакцыяй акцый. Вось і на гэты раз яны (а гэта лічы паўтара дзясятка чалавек) дружна далучыліся да чарговай акцыі сярод падпісчыкаў, якія аформілі падпіску на наша выданне на чацвёрты квартал 2022 года і  прынялі ўдзел у розыгрышы прызоў ад нашых добраахвотных спонсараў. Як паказалі вынікі розыгрышу прызоў, далучыліся яны даволі паспяхова: ажно чатыры чалавекі сталі ўладальнікамі падарункаў.

У ліку шчасліўчыкаў – Ганна Дзярновіч, Ганна Губіч і Святлана Кушнер, якая, як высветлілася, раней таксама станавілася пераможцам розыгрышу прызоў і падарунак ад рэдакцыі атрымала ўжо ў другі раз.  А вось сама галоўны арганізатар падпіскі на рынку Марына Мурач у спіс пераможцаў трапіла ўпершыню, што, несумненна, яе парадавала, як і яе калег па працы.

Паважаныя сябры-падпісчыкі, сачыце за навінамі рэдакцыі і далучайцеся да нашых намі акцый. Трапіць у лік пераможцаў і атрымаць запаветны прыз рэальна кожнаму.

Выпісвайце нашу газету.