Адметнай рысай чарговага выезду стала тое, што на сустрэчу ў гаспадарку акрамя старшыні райкама прафсаюза работнікаў аграпрамысловага комплексу Марыны Каўзуновіч прыбыў і галоўны прававы інспектар абласнога камітэта прафсаюза работнікаў АПК Андрэй Лагвінец. Прыехаў ён не з пустымі рукамі. Траім работніцам ферм сельгаспрадпрыемства – аператарам машыннага даення Наталлі Сакалоўскай, Святлане Малашкевіч і жывёлаводу Ірыне Шукан – ён уручыў падзячныя пісьмы старшыні абкама прафсаюза за шматагадовую дабрасумленную працу, дасягненне высокіх вытворчых паказчыкаў, адданасць выбранай прафесіі ў рамках правядзення рэспубліканскай акцыі “Наш жывёлавод” і каштоўныя падарункі.

Падарункамі былі таксама адзначаны і іншыя жывёлаводы ААТ “Уша”, пачастункамі да салодкага стала. А для таго, каб у гэтых калектывах ніколі не пераводзіася свежагатаваныя гарбата, за якой можна сабрацца ўсім разам у час перапынку, старшыня прафкама гаспадаркі Віктар Фядотаў пакінуў на кожнай ферме новенькі электрачайнік.