А вось для Аляксея Булойчыка клопат аб чысціні і парадку з’яўляецца справай асабістага гонару і нават прафесіяй, бо працуе малады чалавек трактарыстам у раённым камунальным унітарным прадпрыемстве “Бярэзінская жыллёва-камунальная гаспадарка”. Працуе, відаць, добра, калі калектыў вылучыў яго кандыдатуру, як аднаго з лепшых, для занясення на раённую Дошку гонару.

Паўсюдна дзень пры дні адпраў-ляецца Аляксей Сяргеевіч на сваім МТЗ, каб узімку ўбіраць снег, пасыпаць вуліцы і тратуары для зручнасці пешаходаў, летам яго можна пабачыць занятым на падмяценні вуліц, дастаўцы грузаў, задзейнічаным на зборы смецця. Так, пакуль ад нашай дзейнасці будуць заставацца смецце або бруд, маладому механізатару, як і ўсім камунальнікам, сядзець без справы не давядзецца.