– У свой час я зрабіў правільны выбар, – гаворыць Андрэй Уладзіміравіч. – Працую вадзіцелем аўтамабіля. За 16 гадоў свайго працоўнага шляху, ні на імгненне не пашкадаваў, што не паехаў шукаць шчасце недзе за межамі роднага краю, знайшоў сваё месца тут, у родных мясцінах. У нас моцная арганізацыя, згуртаваны калектыў.

Андрэй Уладзіміравіч – галава мнагадзетнай сям’і: разам з жонкай Марынай гадуюць двух сыноў Максіма і Мацвея і дачушку Арыну.

Сёлета да свайго прафесійнага свята Андрэй Кісялёў у чарговы раз быў адзначаны Ганаровай граматай вытворчага ўпраўлення “БарысаўГаз” філіяла РУП “МінскаблГаз” за сваю шматгадовую добрасумленную працу.

Алена ГРОМАВА.

Фота аўтара.