На Бярэзінскі вытворчы ўчастак філіяла “Здравушка-мілк” ААТ “Слуцкі сыраробны камбінат” яна ўладкавалася ў 1987 годзе. З таго часу на вытворчасці адбылося шмат перамен, але нязменнай засталася адданасць Алены Іванаўны любімай справе.

Цяпер яна працуе на новым абсталяванні – устаноўцы GEA для пастэрызацыі малака з гамагенізатарам, якая сепарыруе, пастэрызуе малако. Пры тэмпературы прыблізна 55°C малако падаецца ў сепаратар, дзе яно падзяляецца на абястлушчанае малако і вяршкі. Канцэнтрацыя вяршкоў можа рэгулявацца.

– За змену перапрацоўваем 280-300 тон малака, – гаворыць майстар прыёмна-апаратнага масларобнага аддзялення Вера Паланевіч і толькі добрымі водгукамі характарызуе сваю падначаленую.

За шматгадовую працу Алена Іванаўна неаднойчы была адзначана граматамі адміністрацыі прадпрыемства.

Алена ГРОМАВА.

Фота аўтара.