У брыгадзе цесляроў пад кіраўніцтвам брыгадзіра Аляксандра Белага ён — у ліку лепшых работнікаў. З першых дзён зарэкамендаваў сябе станоўча – рухавы, працавіты, увішны, адказны.

— Многаму мяне навучыў бацька Канстанцін Антонавіч, ён – сталяр, — гаворыць Уладзіслаў. – Наогул, я магу амаль усё!

Абраная справа прыносіць Уладзіславу задавальненне, нягледзячы на тое, што рабочы дзень пачынаецца даволі рана і заканчваецца позна вечарам, да таго ж працаваць даводзіцца на вуліцы ў любое надвор’е.

– Будаўнік – гучыць горда, - дадае Уладзіслаў. - Амаль ва ўсіх новабудоўлях нашага горада і раёна ўкладзена майстэрства і прафесіяналізм бярэзінскіх будаўнікоў і нашай брыгады таксама.

Алена ГРОМАВА.
Фота аўтара.