У кожным рэгіёне асаблівую ролю адыгрываюць мясцовыя сродкі масавай інфармацыі. Ім давяраюць, да іх меркавання прыслухоўваюцца. Заснаваная ў далёкім 1931 годзе, газета даўно заваявала грамадскае прызнанне. Яна стала для многіх бярэзінцаў не толькі крыніцай навін аб сацыяльна-эканамічным, палітычным і грамадскім жыцці раёна, але і сябрам, дарадцам.

Гэты юбілей — свята не толькі калектыву газеты, але і шматлікіх чытачоў і герояў публікацый. На старонках раённай газеты адбіліся лёсы тысяч землякоў, сярод якіх — ветэраны, працаўнікі, актывісты, людзі розных прафесій, пакаленняў.

За 90 гадоў змянілася мноства карэспандэнтаў і іншых спецыялістаў. Але нязменным засталося адно — актуальнасць асвятляемых тэм, шчырасць, адданасць аўдыторыі, неабыякавасць да таго, што адбываецца. Газета не шукае секунднай славы, грунтуючыся на суб’ектыўных фактах, а аб’ектыўна распавядае аб жыцці раёна.

Сёння “Бярэзінская панарама” – гэта і газета, і сайт, і групы ў сацыяльных сетках. Таму інфармацыя падаецца аператыўна. Мы ўпэўнены, што вялікі творчы патэнцыял, высокае журналісцкае майстэрства і ў далейшым будуць залогам плённай дзейнасці стваральнікаў газеты.

Жадаем калектыву “Бярэзінскай панарамы” росквіту, творчых поспехаў і натхнення, невычэрпнай энергіі, часу і сіл для творчасці, здароўя і шчасця! Захоўвайце традыцыі і ўласны почырк, заставайцеся мудрым і добразычлівым суразмоўцам для чытачоў. Заваёўвайце новыя вяршыні і заставайцеся вернымі сабе! Няхай памнажаюцца добрыя традыцыі, назапашаныя за 90 гадоў.

Раённы выканаўчы камітэт.
Раённы Савет дэпутаў.
Раённы савет ветэранаў.