Гады мінаюць неўпрыкмет,
Лістаюць дзён старонкі.
А ты адна сярод газет –
Душа мая – раёнка.

Хоць за плячамі шлях цяжкі,
Ды сёння ў дзевяноста
Быць састарэлай не з рукі,
Бо інавацый мноства.

У мітусні жыцця, падзей
У сённяшніх умовах
Нясеш ты праўду да людзей
Надрукаваным словам.

Дый тэхналогій не мінаць…
Газету ўжо канкрэтна
На сайце можна прачытаць
І ў сацыяльных сетках.

Жадаю ўсім карысных спраў,
Праектаў, новых планаў,
Ну а чытач каб сябраваў
Заўсёды з “панарамай”!

Зінаіда Гурэцкая.