Штогадовая акцыя ратавальнікаў “З клопатам пра бяспеку малой Радзімы” завяршылася у раёне правядзеннем тэматычнага мерапрыемства з удзельнікамі клуба “Сустрэча”. Гэты клуб наведваюць жанчыны залатога ўзроста з актыўнай пазіцыяй, якія жывуць па прынцыпе “жыцце цудоўнае ў любым узросце!”. На базе Бярэзінскага раённага цэнтра культуры акцыю правяла інспектар прапаганды Бярэзінскага райаддзела па надзвычайных сітуацыях Вольга Данэйка. Яна расказала пра прычыны ўзгаранняў у раёне, прывяла “экзамен” па бяспецы. Разам мы ўспомнілі нумары экстрэнных службаў, паразважалі пра парадак дзеянняў пры пажары, пры ўзгаранні масла на пліце, а адна з жанчын – найбольш актыўная - атрымала ў падарунак аўтаномны  пажарны апавяшчальнік.

Па інфармацыі ўпраўлення па сельскай гаспадарцы і харчаванні па стане на 3 кастрычніка ў гаспадарках раёна сяўба азімых культур праведзена на 64,2 працэнтах ад запланаванай плошчы, якая складае амаль 14 тысяч гектараў. Найбольшую частку плошчы азімага кліна зойме трыцікале – звыш пяці тысяч гектараў. Больш як на трох тысячах гектараў будзе высявацца азімае жыта, больш як па дзве тысячы займуць азімая пшаніца і азімы ячмень.