А хочаце любоў да прыроды перадаць сваім дзецям? Тады гэта кніга для вас. У свеце дзіцячай літаратуры, якая сёння перажывае росквіт, увазе чытачоў прапануецца ўнікальны зборнік твораў ад сучасных класікаў айчыннага мастацкага слова. Кніга “Сляды волатаў” выйшла ў серыі “Сучасная беларуская літаратура” і змяшчае творы ў жанры анімалістыкі. Невялікія апавяданні пісьменнікаў-прыродазнаўцаў дазволяць чытачу зазірнуць у самыя розныя куткі роднай прыроды, паглядзець жыццё звяроў і птушак.

У ліку аўтараў Алесь Жук, Уладзімір Ягоўдзік, Алесь Карлюкевіч.

“Прачнуўся раніцай, памыўся, прывёў сябе ў парадак – і адразу ж прывядзі ў парадак сваю планету”, - казаў Маленькі прынц з вядомай казкі Экзюперы. Творы беларускіх пісьменнікаў, якія дапамагаюць чытачу зазірнуць у глыбіні розных прыродных з’яў, сустрэцца з незвычайна цікавымі звярамі і птушкамі, - яшчэ і напамін пра нашу адказнасць за планету, за шматаблічны свет прыроды, які нас атуляе”, - гэтыя трапныя словы ўкладальніка кнігі найлепшым чынам характарызуюць змест. Адрасуецца шырокаму колу чытачоў.

Падрыхтаваў Аляксандр БЫЧКОЎСКІ.