Як і даўней, на святочным стале стаяла 12 посных страў. А пад абрусам, па звычаі, ляжала сена - каб стол заўсёды «ламіўся» ад багацця, а гаспадары жылі ў дастатку.

Галоўны пачастунак на вячэры - куцця - посная каша з пярловай (ячнай) крупы.

Гаспадары прагаворвалі старадаўнія заклічкі, запрашаючы Мароза на вячэру. Гэты зварот быў важным рытуалам зімовога вечара, сімвалам павагі да продкаў. Лічылася, што такі абрад у старажытнасці забяспечваў шчодры ўраджай і дабрабыт у наступным годзе.