- Спачатку 5 гадоў працаваў вадзіцелем развозкі, - гаворыць Дзмітрый Аляксандравіч, - а цяпер падменным.

А падменны вадзіцель – гэта як універсальны салдат, павінен усё ўмець і ўсё рабіць. Так, у Дзмітрыя Аляксандравіча ёсць вадзіцельскія пасведчанні амаль усіх катэгорый – “В”, “С”, “Е” і “А”. І калі патрэбна, напрыклад, на час водпуску, ён можа замяніць вадзіцеляў любой з гэтых катэгорый.

- Раней працаваў вадзіцелем на сырзаводзе, у забеспячэнні, - дадае Дзмітрый, - а сюды брат “перацягнуў”. Наогул, я люблю дарогі, люблю падарожнічаць, аб’ездзіў амаль усю Беларусь. У мінулым годзе, які быў аб’яўлены Годам гістарычнай памяці, былі ва Ушачах, хадзілі партызанскімі сцяжынкамі.

Наогул, мінулы год запомніўся яскравымі падзеямі, наваселле – адно з іх. Пад самы Новы год перасяліліся ў свой дом, праўда, там яшчэ шмат чаго трэба дабудаваць, але гэта ўжо дробязі ў параўнанні са зробленым. Дарэчы, з жонкай і сынам Дзянісам (яму 2 с паловай) чакаем у хуткім часе папаўненне ў нашай сям’і: дачушку, Дзянісу - сястрычку.

Алена ГРОМАВА.

Фота аўтара.