Працяглы час аддаў працы ў сельскай гаспадарцы. Пасля заканчэння Клімавіцкага сельскагаспадарчага тэхнікума працаваў інжынерам па працаёмкіх працэсах і інжынерам-электрыкам у калгасе “Дзмітравічы”. Потым стаў вадзіцелем школьнага аўтобуса.

Ёсць у героя матэрыялу захапляльнае хобі – грыбы, ягады і паляўніцтва.

- Люблю лес, - прызнаецца Міхаіл Антонавіч. – Летняй парой звычайна выбіраюся а восьмай гадзіне раніцы і праводжу там час за зборам грыбоў і ягад прыкладна да гадзіны дня. Вось та-кі мой адпычанак.

Работа і актыўны адпачынак не даюць сумаваць, а з такім хобі цікава будзе і потым, на пенсіі. Застаецца толькі пажадаць Міхаілу Антонавічу далейшага плёну ў працы.