Улічваючы тое, што працаваць прыйшлося з дзецьмі, формы работы былі разнастайныя: гэта і гутарка, і віктарына, і гульня “Назаві прычыну пажару”, і работа з банэрам, і прагляд мульцікаў і фільмаў, і “званок у службу ратавання”. Дзіцячая псіхіка працуе такім чынам, што патрэбна пастаянна мяняць від дзейнасці, каб удзельнікі акцыі не засумавалі і трывала засвоілі веды. Школьнікі ўважліва слухалі інфармацыю пра парадак дзеянняў пры сігнале “Увага ўсім!”, глядзелі відэаролікі, уважліва слухалі расповед пра мабільнае прыкладанне ратавальнікаў “Дапамога побач”. Дзеці, што сабраліся на мерапрыемства ў інтэрнаце, былі малодшага школьнага ўзросту: ім даспадодобы прыйшліся мульцікі “Чароўная кніга”, гульня “экзамен па бяспецы”. Кожны ўдзельнік акцыі атрымаў карысныя буклеты і размалеўкі ад ратавальнікаў і, думаецца, папоўніў свае веды пра ўласную бяспеку.