Працуе Таццяна Уладзіміраўна прыёмшчыкам заказаў. І актыўна ўдзельнічае ў грамадскім жыцці арганізацыі. Так, напрыклад, ужо некалькі гадоў  запар яна з’яўляецца нязменнай Снягуркай Бярэзінскага раёна газазабеспячэння ў пераднавагодніх гарадскіх шэсцях.

Ёсць у жанчыны, акрамя любімай работы,  і любімы “хатні” занятак для душы – яна вельмі любіць кветкі.

– Яны для мяне ўсе любімыя, – гаворыць Таццяна. – І месца для іх хапае паўсюдна: і ў хаце, і на прысядзібным участку. Ёсць у мяне і кветкі-навінкі. Гэта – клемацісы, напрыклад. Цудоўныя кветкі, таксама вельмі спадабаліся і знайшлі сваё месца на маіх клумбах.

За шматгадовую добрасумленную працу Таццяна Уладзіміраўна была адзначана падзякай УП "МІНСКАБЛГАЗ" да прафесійнага свята работнікаў газавай галіны.

Алена ГРОМАВА.

Фота аўтара.