Далей на прадпрыемстве прайшла вучэбная эвакуацыя ў незвычайным фармате: аднаму з работнікаў было прапанавана дзейнічаць у пазаштатнай сітуацыі. Так, згодна з задумкай, у адным з кабінетаў адбываецца задымленне, там знаходзіцца чалавек, выратаваць яго немагчыма з-за едкага дыму. Неабходна было патэлефанаваць у службу ратавання, прыняць меры па эвакуацыі людзей, сустрэць ратавальнікаў. Па званку на лінію 101 на тэрыторыю прадпрыемства прыбываюць пажарныя аўтамабілі, каб ратаваць умоўнага пацярпелага і ліквідаваць «узгаранне» ў адным з кабінетаў. Задача выканана своечасова і аператыўна.
Пастаянныя трэніроўкі ратавальнікаў дазваляюць ім удасканальваць свае навыкі, работнікі ж арганізацый і прадпрыемстваў вучацца аператыўна дзейнічаць у экстрэннай сітуацыі. Зрабіць усе хутка і правільна – крайне важна: жыцце паказвае, што часам і некалькі секунд з’яўляюцца вырашальнымі ў справе ратавання чалавека.