Першы намеснік начальніка Бярэзінскага аддзела па надзвычайных сітуацыях нагадвае:

«Дзеці, што маюць шмат вольнага часу, могуць выбіраць для сябе небяспечныя забавы: так, штогод у летні час здараецца нямала пажараў з-за свавольства дзяцей з запалкамі, дзеці траўміруюцца падчас дарожных здарэнняў, гінуць на вадаёмах, выпадаюць з вокан, атрымліваюць электратраўмы, пераломы і атручванні. Работа, што праводзіцца, мае за мэту прадухіліць бяду, папярэдзіць магчымыя няшчасныя выпадкі з удзелам непаўналетніх.
Беражыце дзяцей, уласным прыкладам фарміруйце ў іх свядомасці прынцыпы адказных і правільных паводзінаў. Лета пройдзе, а ўражанні застануцца. А яшчэ ў памяці нашых дзяцей застануцца самыя важныя правілы – правілы ўласнай бяспекі».