Аздараўленне будзе ажыццяўляцца на базе стацыянарнай дзяржаўнай установы адукацыі «Аздараўленчы лагер «Папараць-кветка», а таксама на базе ўстаноў агульнай сярэдняй адукацыі ў лагерах з дзённым знаходжаннем.

Пуцёўкі ў дзіцячыя аздараўленчыя лагеры з кругласутачным знаходжаннем выдаюцца: па месцы працы, службы аднаго з бацькоў на падставе рашэння камісіі па аздараўленні і санаторна-курортным лячэнні; упраўленнем па адукацыі, спорце і турызме Бярэзінскага райвыканкама; спецыялістам прадстаўніцтва Мінскага абласнога ўпраўлення Рэспубліканскага цэнтра па аздараўленні і санаторна-курортным лячэнні насельніцтва па Бярэзінскім раёне.

Парадак атрымання пуцёўкі

Дзеці маюць права на атрыманне пуцёўкі з выкарыстаннем дзяржаўных сродкаў у лагер з кругласутачным знаходжаннем не больш за адзін раз у каляндарным годзе.

Не больш за два разы ў каляндарным годзе могуць быць накіраваны ў лагер з кругласутачным знаходжаннем наступныя катэгорыі дзяцей: дзеці-сіроты і дзеці, якія засталіся без апекі бацькоў, якія выхоўваюцца ў апякунскіх і прыёмных сем’ях, дзіцячых інтэрнатных установах, дзіцячых дамах сямейнага тыпу; спартсмены-навучэнцы, якія праходзяць спартыўную падрыхтоўку ў спецыялізаваных вучэбна-спартыўных установах, навучэнцы, якія навучаюцца ў сярэдніх школах-вучылішчах алімпійскага рэзерву, якія праходзяць спартыўную падрыхтоўку ў іншых арганізацыях, якія ажыццяўляюць спартыўную падрыхтоўку спартыўнага рэзерву і (або) спартсменаў высокага класа, пры накіраванні іх у спартыўна-аздараўленчыя лагеры; дзеці са шматдзетных і няпоўных сем'яў; дзеці непрацуючых пенсіянераў.

Аздараўленне дзяцей з выкарыстаннем сродкаў дзяржаўнага сацыяльнага страхавання ў профільных лагерах (тэрмінам не больш за 9 дзён), а таксама ў лагерах з дзённым знаходжаннем на працягу кожнага канікулярнага перыяду не выключае іх накіравання на працягу года на аздараўленне ў лагеры з кругласутачным знаходжаннем з выкарыстаннем сродкаў дзяржаўнага сацыяльнага страхавання і адпаведна наадварот.

Дадатковыя дакументы

Прадастаўленне дадатковых дакументаў пры звароце за атрыманнем пуцёўкі патрабуецца: для дзяцей беспрацоўных – копіі працоўных кніжак бацькоў, даведкі з органаў дзяржаўнай службы занятасці па месцы жыхарства аб рэгістрацыі бацькоў у якасці беспрацоўных; для дзяцей непрацуючых пенсіянераў - копіі пенсійнага пасведчання і працоўных кніжак бацькоў, даведкі выканаўчага і распарадчага органа аб адсутнасці іх рэгістрацыі ў якасці індывідуальнага прадпрымальніка; для дзяцей са шматдзетных сем'яў - даведкі з месца жыхарства аб складзе сям'і, копіі працоўных кніжак бацькоў; для дзяцей з няпоўных сем'яў - даведкі з месца жыхарства аб складзе сям’і і іншых дакументаў, якія пацвярджаюць, што сям’я з’яўляецца няпоўнай.

Алена ВАРАНОВІЧ,
вядучы спецыяліст прадстаўніцтва Мінскага абласнога ўпраўлення
Рэспубліканскага цэнтра па аздараўленні і санаторна-курортным лячэнні насельніцтва па Бярэзінскім раёне.