Разам, у цеснай супольнасці і непарыўнай звязцы, мы заняты вырошчваннем і выпускам харчовай прадукцыі, якая так запатрабавана і неабходна кожнаму чалавеку. Ад нашых намаганняў залежыць тое, наколькі багатым і заможным будзе жыццё,  наколькі даступнымі будуць спажывецкія тавары на рынку, а ў кожным доме яны будуць прадстаўлены ў сваім шырокім асартыменце. Наша праца накіравана на тое, каб задаволіць патрэбы чалавецтва ў самым галоўным – прадуктах харчавання і забяспечыць іх вялікі асартымент. Нашы штодзённыя намаганні заўсёды акупляюцца і прыносяць вялікае задавальненне.

Наша праца, сапраўды, з’яўляецца самай мірнай і стваральнай, нясе ў сабе станоўчы зарад. Таму першае пажаданне ўсім – пажаданне міру – як ва ўсім свеце, так і кожнай асобнай сям’і. Няхай у вашых дамах заўсёды пануюць узаемапавага, лад, шчасце. Жадаем, каб вашы дні былі напоўнены стваральнай працай і задавальненнем ад яе вынікаў. Няхай садзейнічаюць гэтаму моцнае здароўе, аптымізм, высокі прафесіяналізм і стабільныя высокія заробкі. Шчасця вам і толькі самых станоўчых эмоцый!

Алег ЛАПЫЦЬКА,

першы намеснік старшыні райвыканкама, начальнік упраўлення па сельскай гаспадарцы і харчаванні.