Акрамя салодкіх падарункаў, якія ўручала старшыня райкама прафсаюза Марына Каўзуновіч, жывёлаводам для таго, каб яны маглі ў чарговы раз сабрацца за кубачкам чаю і сагрэцца, у тым ліку і душой, дырэктар сельгаспрадпрыемства Наталля Сокал падарыла новенькія электрачайнікі і наборы посуду. Яна ж падзякавала нястомным працаўнікам за іх штодзённыя намаганні і выказала ўпэўненасць, што разам яны могуць дасягнуць значна большых поспехаў.

Завяршэннем сустрэч станавілася раздача цукерак навагоднімі персанажамі, традыцыйнае ваджэнне карагода і абавязковае фатаграфаванне на памяць з Дзедам Марозам і Снягуркай, бо не так часта яны з’яўляюцца на ферме.

1