Сапраўды, зайздроснае пастаянства. А таму, зразумелая справа, са сваімі абавязкамі Тамара Рыгораўна спраўляецца заўсёды на “выдатна” і якасна. Работа ў яе творчая і непаўторная, бо яна стварае праекты будучых жылых дамоў (у сваёй большасці для індывідуальных забудоўшчыкаў, якія жадаюць, каб іх дамы былі не толькі ўтульнымі, але і насілі індывідуальны характар), а таксама для ўзвядзення вытворчых будынкаў, для правядзення іх рамонту. Займаецца Тамара Рыгораўна і стварэннем праектаў для падвядзення і ўстаноўкі жыхарам прыватнага сектара водаправода і газу. І хоць гэты занятак патрабуе менш творчасці, падыходзіць да яго спецыяліст не менш адказна.

Нярэдка сярод людзей можна па-чуць фразу (ды і мы яе сабе іншы раз гаворым) аб тым, што наступны дзень яны пачнуць з чыстага аркуша.

Дык вось, Тамара Красоўская ўжо неаднойчы пачынала свой чарговы дзень з чыстага аркуша паперы, на якім неўзабаве, дзякуючы яе прафесіяналізму і фантазіі, узнікаў чарговы праект будучай новабудоўлі, дзе пасяляюцца цяпло, шчасце і ўтульнасць.