У нас заўсёды шмат галасуюць менавіта датэрмінова, – тлумачыць сітуацыю сакратар участковай камісіі Ірына Свірыд. – Звычайна да дня правядзення аноўнага галасавання ў нас сваё волевыяўленне ажыццяляе да паловы галасуючых.  Не думаю, што сёлета сітуацыя памяняецца. Такая актыўнасць нашых грамадзян – праяўленне іх жыццёвай пазіцыі і стаўлення да будучыні нашай дзяржавы. Кожнаму ж хочацца бачыць заўтрашні дзень светлым, мірным і квітнеючым.

У сераду акрамя І. Свірыд прымалі людзей члены камісіі Валянціна Шаграй і Алег Собаль. Сваё ганаровае месца займалі і назіральнікі. Тут жа, у пакоі для галасавання, нявольна заўважаеш і зробленыя рукамі мясцовых чараўнікоў-умельцаў экспанаты выставы-продажу “Чароўная лялька”, работа якой прадоўжыцца да 27 лютага. Абяцаюць арганізатары правядязення рэферэндуму ў гэты дзень і некаторыя іншыя сюрпрызы разнастайнай культурнай праграмы.

А што датычыць ходу галасавання, то ён арганізаваны тут на належным узроўні, пра што і сведчаць прыведзеныя лічбы і факты.

Анатоль ПАЛЫНСКІ.

Фота аўтара.