Цана хлеба

Хто вырас на зямлі, сярод палёў,

хто змалку бачыў працу хлебаробаў,

каштоўнасць ведае вялікасці хлябоў

і кожнага зярнятка паасобку.

Хто вырас на зямлі і ўзмацнеў,

ішоў па краі родным не староннім,

той кошт сапраўдны працы зразумеў,

ацёклых і мазолістых далоняў;

Што адпачынку не чакаюць зноў

і круглы год шчыруюць з промнем першым;

таму ў вяках праўдзівая з высноў,

што хлеба лёгкага няма на свеце!

Хто на зямлі з маленства ў працы рос,

хто хлебаробскай справы знае долю,-

той ведае праўдзівы хлеба кошт -

не на паліцы крамы,  а што ў полі…